គ្រូបណ្ដុះបណ្ដាលភាពជាអ្នកដឹកនាំនៃស្ថាប័នស្ថាបនាអ្នកដឹកនាំ vbuild leaders លោក សយ សាវុត បង្ហើបពីទម្លាប់ជោគជ័យឲ្យ TheBNEWS ដឹងថា ដើម្បីក្លាយជាបុគ្គលិកគំរូក្នុងស្ថាប័ន បុគ្គលិកគួរមានបំពេញលក្ខណៈសម្បត្តិ ១៧ចំណុចខាងក្រោមនេះ៖
១) យល់ច្បាស់ពីចក្ខុវិស័យ បេសកម្ម គោលបំណង និង តំលៃស្នូលរបស់អង្គភាព
២) យល់ច្បាស់ពីតួនាទីរបស់ខ្លួន និង ក្តីរំពឹងទុករបស់ថ្នាក់លើ
៣) បន្តធ្វើការឲ្យលើសពីការរំពឹងទុករបស់ថ្នាក់លើ
៤) មានផែនការការងារ ប្រចាំថ្ងៃ សប្តាហ៍ និង ខែ
៥) ធ្វើជាគំរូល្អ សម្រាប់បុគ្គលិកដទៃទៀត
៦) សហការការងារក្រុមបានល្អ ដោយការយល់គេ មុននឹងឲ្យគេយល់ពីខ្លួន
៧) ម្ចាស់ការលើសតិអារម្មណ៍ខ្លួន បានយ៉ាងប្រសើរ
៨) រក្សាការអភិវឌ្ឍខ្លួនតាមរយ: ការអានសៀវភៅ ទស្សនាវដ្ដី កាសែត ស្តាប់វិទ្យុ ដើម្បីដើរទាន់សម័យកាល
៩) ចូលរួមវគ្គបណ្តុះបណ្តាល ដើម្បីបានបង្កើតមិត្តភ័ក្តិថ្មីៗ និង រៀនពីអ្នកដទៃនូវអ្វី ដែលខ្លួនមិនទាន់ពូកែ
១០) ផ្តួចផ្តើមគំនិតថ្មីៗ និង បន្តការធ្វើការងារឲ្យចប់ចុងចប់ដើម
១១) ធ្វើជាផ្នែកនៃដំណោះស្រាយជានិច្ច
១២) គិតវិជ្ជមានជាប្រចាំ
១៣) លេងកីឡា និង បរិភោគល្អដើម្បីសុខភាពល្អ
១៤) មិនរអ៊ូរទាំ មិនរិះគន់ មិនបន្ទោស និង ចៀសវាងការនិយាយអាក្រក់ពីអ្នកដទៃ
១៥) មិនប្រណាំងប្រជែងដើម្បីមុខមាត់ មិនឆ្លៀតឱកាសដើម្បីលាភសក្ការ:ខុសប្រក្រតី
១៦) ជួយសន្សំសំចៃដល់អង្គភាព
១៧) បន្តការគិតល្អ ការនិយាយល្អ និង ធ្វើតែអំពើល្អ
ស្ថាប័នស្ថាបនាអ្នកដឹកនាំ vbuild leaders គឺជាស្ថាប័ន ដែលផ្ដោតសំខាន់ទៅលើ វគ្គបណ្ដុះបណ្ដាលភាពជាអ្នកដឹកនាំ ការលក់ ការជំរុញលើកទឹកចិត្ត និង ការប្រឹក្សាយោបល់លើការងារទីផ្សារ៕
សូមអរគុណ៖ គេហទំព័រសាលារៀន TheBNew
Post a Comment
Post a Comment