Flash គឺជាឧបករណ៍សម្រាប់រក្សាទុកទិន្នន័យមួយដ៏សំខាន់ ដែលអ្នកប្រើប្រាស់កុំព្យូទ័រនាពេលបច្ចុប្បន្នមិនអាចខ្វះបាន។ ដូច្នេះអ្នកទាំងអស់គ្នាប្រហែលជាមិនចង់ឲ្យឧបករណ៍ផ្ទុកទិន្នន័យនេះងាយខូចដោយប្រការណាមួយនោះទេ។ ដូច្នេះខាងក្រោមនេះគឺជាគន្លឹះមួយចំនួនដែលអាចជួយការពារ Flash ពីការខូចដោយចៃដន្យ។
១. ជៀសវាងដាក់វានៅក្នុងហោប៉ៅ
ការទុក Flash នៅក្នុងហោប៉ៅអាចបណ្ដាលឲ្យមានបញ្ហាអេឡិចត្រូនិក ដែលបង្កឡើងដោយសំណើម និងបង្កឲ្យកើតច្រែះ និងធ្វើឲ្យវាលែងមានដំណើរការ។ ម្យ៉ាងទៀតនោះវាអាចមានធូលីចូលនៅក្នុងក្បាល Flash ដែលអាចធ្វើឲ្យវាខូចក្បាល Flash និងដោតទៅកុំព្យូទ័រមិនស្គាល់។២. កុំដោតចោលនៅនឹងកុំព្យូទ័រ
ការដោត Flash ចោលដោយពុំបានដកវាចេញយូរអាចធ្វើឲ្យវាមានបញ្ហាដូចជា អត់ស្គាល់ពេលដោតវាទៅកុំព្យូទ័រជាដើម។៣. ជៀសវាងបើកកម្មវិធីផ្ទាល់នៅក្នុង Flash
មានអ្នកប្រើប្រាស់ចូលចិត្តបើកកម្មវិធីដោយផ្ទាល់នៅក្នុង Flash ដូចជា បើកចម្រៀង វីដេអូ រូបភាព កែប្រែទិន្នន័យនៅក្នុងកម្មវិធីមួយចំនួន ឬក៏ដំឡើងកម្មវិធីជាដើម។ ទង្វើទាំងនេះអាចបណ្ដាលឲ្យ Flash ជួបបញ្ហាដែរ ព្រោះ Flash ជាឧបករណ៍មួយប្រើសម្រាប់រក្សាទុកទិន្នន័យ ដូច្នេះគួរជៀសវាងចំណុចនេះ។ គួរកូពីទិន្នន័យណា ដែលចង់បើកទៅក្នុង PC ហើយចាំដំណើរការគឺជាជម្រើសល្អជាង។៤. ដក Flash ឲ្យបានត្រឹមត្រូវ
ការដក Flash ដោយមិនបានបិទ (Eject ) វាឲ្យបានត្រឹមត្រូវពីកម្មវិធីកុំព្យូទ័រជាមុន ឬក៏បិទកុំព្យូទ័រហើយចាំដក វាអាចបង្កឲ្យ Flash ឆាប់ខូច ឬបាត់បង់ទិន្នន័យឯកសាររបស់អ្នកជាដើម។
Post a Comment
Post a Comment